Berkarar döwletimiziň bagtyýarlyk döwründe milli Liderimiziň başda durmagynda halk hojalygynyň ähli pudagynda işler ýyldyrym çaltlygynda joşgunly öňe barýar. Ýurdumyzda amala aşyrylýan özgertmeler, ykdysadyýetiň ähli pudaklarynyň gyradeň ösdürilmegi, önümçilige täze tehnologiýalaryň ornaşdyrylmagy özüniň oňyn netijelerini berýär. Hormatly Prezidentimiziň il bähbitli, ýurt ähmiýetli amala aşyrýan işleriniň sany bimöçberdir.”Türkmenistanyň Prezidentiniň obalaryň, şäherçeleriň we etrap merkezleriniň ilatynyň ýaşaýyş-durmuş şertlerini özgertmek boýunça 2020-nji ýyla çenli döwür üçin Milli Maksatnamasy” bolsa ilatyň ýaşaýyş-durmuş şertlerini düýpli gowulandyrmaklyga gönükdirilendir. Şu Milli Maksatnama kabul edilen gününden şu döwre çenli ýurdumyzda orta mekdepleriň, mekdebe çenli çagalar edaralarynyň, sport mekdepleriniň, hassahanalaryň, saglyk öýleriniň, medeniýet öýleriniň, kitaphanalaryň ençemesi gurlup ulanylmaga berildi. Depesine seredeniňde telpegiň ýere gaçjak bolýan beýik, kaşaň ymaratlar ilatyň ýaşaýyş-durmuş derejesiniň üzül-kesil ýokarlanandygyny biygtyýar ýatladýar. Men şu makalamda Milli Maksatnamanyň çäklerinde Lebap welaятыныň Халач etrabynda ýerine ýetirilen işler barada durup geçmegi müwessa bildim. Ýaşlar biziň geljegimizdir. Berkarar döwletimiziň bagtyýarlyk döwründe ösüp gelýän ýaş nesli ylymly, bilimli, giň dünýägaraýyşly edip terbiýelemek bilim işgärleriniň mukaddes borjudyr. Bu mukaddes borjy ödemek üçin bilim işgärlerine ähli amatlyklary bolan, häzirkizaman bilim ojaklarynyň bolmagy esasy şertleriň biridir. Hormatly Prezidentimiziň aladalary netijesinde 2012-nĵi ýylda etrabymyzyň Altyn-Asyr geňeşliginiň Pesdi obasynda 480 orunlyk orta mekdebi, 2014-nji ýylda Halaç etrabynyň Surh geňeşliginiň Surh obasynda 160 orunlyk çagalar bagy, etrabyň Esenmeňli geňeşliginiň Ak-ýap obasynda 90 orunlyk çagalar bagy, Çöhpetde geňeşliginiň Okçandyr obasynda 250 orunlyk çagalar bagy gurulup ulanylmaga berildi. Olarda körpejelere we okuwçylara ösen ýokary tehnologiýalardan peýdalanyp, dürli usullarda döwrebap bilimdir terbiýe berilýär. Ýurdumyzyň bedew bady bilen okgunly öňe barýan döwründe ýaşlaryň ruhy we beden taýdan sagdyn bolmagy ugrundaky aladalar hem birjik-de ünsden düşenok. Diýarymyzyň ähli künjeklerinde dünýä ülňilerine laýyk gelýän sport desgalary gurlup, ulanylmaga berilýär. Bu ösüşler Milli Liderimiziň ýurdumyzy sagdynlygyň we ruhybelentligiň ýurduna öwürmek, sagdyn ýaşaýyş ýörelgelerini giňden durmuşa ornaşdyrmak ugrunda alyp barýan asylly işleri netijesinde gazanylýar. Watanymyzyň bedenterbiýe we sport ulgamynda ýeten belent sepgitlerine biziň etrabymyzyň türgenleriniň hem mynasyp paýynyň bardygyny belläp geçesim gelýär. Ýaşlaryň sport bilen meşgullanmagy üçin etrabyň Halaç şäherçesinde 2014-nji ýylda 365 orunlyk sport mekdebi täze gurulup, 2013-nji ýylda etrabyň Çöhpetde geňeşliginiň Çöhpetde obasyndaky 1500 orunlyk sport desgasynyň durky täzelenip, ulanylmaga berildi. Bilim edaralarynda terbiýedir bilim alýan, sport desgalarynda türgenleşýän ýaşlaryň didelerine üns bilen seretseň, olarda şatlyk, buýsanç alamatlary uçganaklaýar.