«Мениң илкинҗи аладам халкым болар!» диен баш йѳрелгәни максат эдинен дѳвлет баштутаны Президентлиге сайланан илкинҗи гүнүнден башлап йурдумызың сыясы, ыкдысады ве дурмуш меселелерини чѳзмеклиге гиришди. 2014-нҗи «Бедев» йылы Түркменистан дѳвлетиниң әхли угурлар боюнча үстүнликлере бесленен йыл хѳкмүнде түркмен халкының тарыхында ѳчмеҗек ыз галдырды. Юрдумызың ичери ве дашары сыясатында бимѳчбер ишлер амала ашырылды. Муны Хорматлы Президентимизиң Бирата этрабында дѳвребап, әхли аматлыклары болан шәхерчәни гурмак хакында чыкаран Карарыны ,,Бушлук, Биратама багт гушы гонды’’ дийип гуҗак ачып гаршылан ил-халкың oңa болан буйсанҗы хем тассыклаяр.
Тәзе дѳвребап шәхерчәниң гурлушыгының башланмагына бадалга бериленине кѳп вагт гечмедик хем болса, эйәм узакдан сынланыңда, гѳвнүңи гѳтерйән биналар гѳзел сәхраның гѳвсүнде селеңләп гѳрүнйәр. Бизе пешгеш берлен Багтыярлык заманасында машгалаларың 2013 санысы үчин ниетленен 543 саны әхли аматлыклары болан яшайыш җaйының якын гелҗeкде гурлуп, уланылмага берилҗeкдиги икиучсыз.Тәзе шәхерчeдәки ишлериң депгини бизе шуны ачык айтмага эсас берйәр.
Алыслардан шәхер илер гѳзүңe,
,,Бу нире?’’ дийип икирҗиңленме сәхелче.
Гиң сәхрада гүберчекләп алысдан,
Гаршы алар сени тәзе шәхерче.
Бу хачан гурулды?!
Дүзлүкди дүйнем.
Шәхер-кент йокды-ла ѳңки гечемде?
Аркадагың җѳвхер пайхасы билен,
Юрт ѳзгерди санлы йылың ичинде.
Гын-гүнден паҗaрлап ѳсйәр дурмушым,
Бар ишиң башында Аркадагым бар.
Рухубелент, гелҗeгини назарлап,
Гуряр түркмен халкы.
Гүллейәр Дияр!
Шейле хем, Бирата шәхерчесинде спорт улгамында юрдумызың шан-шѳхратыны дүнйә аренасында галдырмак боюнча алынып барылян ишлериң нетиҗесинде тәзе 365 орунлык спорт мекдебиниң бинасы ачылып, халка уланылмага берилмеги муңа шаятлык эдйәр. Шонуң нетиҗесинде, хәзирки вагтда этрабымың яшларының энчемеси спортың футбол, воллейбол, түркмен милли гѳреши, эркин гѳреш, шашка, күшт, бокс ве еңил атлетика ялы дүрли гѳрнүшлери билен ызыгидер түргенлешик гечмеклиге мүмкинчилик алдылар.
\
Мундан башга-да, этрабымызда саглык, билим улгамында хем улы ѳзгертмелере эйе боляр. Бейик акылдар шахырымыз Магтымгулы Пырагының:
Саглык гадрын билгин хасса болмаздан бирин….
диен сетирлеринден угур алынып дѳвребап дүнйә үлңүлерине лайык гелйән «саглык меркезиниң» тәзе бинасының гурулып уланмага берилмеги, билим улгамында мекдебе ченли чагаларыны эдепли-тербиели ве гиң дүнйәгарайышлы эдип етишдирмекде 180 орунлык чагалар багларының уланылмага берилмеги этрабымызың паҗарлап ѳсйәндигиниң шаяды боляр.
Хәзирки вагтда Бирата этрабында тәзе шәхерчәниң гурлушыгының гүйчли депгинде алынып барылмагы билен бир хатарда бирнәче санлы иш орунларың кѳпелйәндигине гѳз етирмек болар. Гынанылсада этрабымызың кѳп санлы яшлары эдилйән аладалара бипервай чемелешип, дашары юртлара газанч этмек максатлары билен гидйәнлери хем бар. Ѳйүнден айрачылыкда, кесеки адамларың элинде горкуп ишләп газанaнлары безененине етмән не хоҗалыгына не-де юрдуна пейда гетирйәр. Хамала башга ерде ики эссе пай берилйән ялы.
„Ят иллерде ша боландан ѳз илиңде геда бол“ дийлен накылы ятламалы боляр.
Хәзирки дѳвүрде этрабымызда дѳредилйән иш орунлара сер салсаң, тәзе шәхерчеде гысга вагтың ичинде мултимедиа технологиялары билен үпҗүн эдилен 640 орунлык 3 саны умумыбилим берйән мекдеплериң, 240 орунлык 2 саны чагалар багының, Саглык меркезиниң, 500 орунлык медениет меркезиниң, агыз сув арассалайҗы десгасының, азык харытлар дүканларының, 2 саны хызматлар ѳйүниң, 3 саны сенагат харытлар дүканының, дүрли гѳрнүшдәки сѳвда меркезлериниң, 2 саны автоулаглара хызмат эдиш нокатларының, чѳрек ве унаш, сүйҗи-кѳкe ѳнүмлерини ѳндүрйән кәрханаларың, гѳк ѳнүмлерини йeтишдирйән йыладышхананың, малдарчылык хем-де гушчулык ферма хоҗaлакларының, эт ве эт ѳнүмлерини ѳндүрйән кәрхананың, сүйди гайтадан ишлейән кәрхананың, алкоголсыз ичгилери ѳндүрйән кәрхананың, керамики керпич ѳндүрйән керпич заводының уланмага берилмеклиги иш билен үпҗүн эдилҗекдигине айдың шаятлык эдйәр. Булардан башга-да тәзе шәхерчеде гурлушык ишлерини алып барян эдара-кәрханаларда ишлемеклик үчин иш орунлары кѳпелдилип ишчилериң кабул эдилмеги ялы, ишләп ѳз гуран җайларындан 30 йыл мѳхлети билен карзына ѳзлери үчин яшайыш җайларыны алмаклыга мүмкинчиликлер хем дѳредилйәр.
Элбетде, шулар ялы аҗайып шертлериң дѳредилмеги, ёкардакы ве бейлеки кәрхананың уланылмага берилмеги, иш орунларың кѳпелмеги билен Бирата этрабының илатыны иш билен үпҗүн эдилҗekdigi субутнама болуп дуряр.
Этрабымызың чәгинде амала ашырылян бимѳчбер ишлериң нетиҗесинде, хәзирки гүнде эшретиң, багтың гадыр-гымматыны билинип яшалян дѳвүрде, ѳзге юртлара ишлемеклик үчин гитмеклигиң зерурлыгы бармыка дийилсе герек.
