Talyplar

Aýralygyň aýdymy ...Gapyňyzda toý tutulýar dilberim, Hany yşkyň messebi hem wepasy? Seni haýsy pelek urdy, Bilmedim, Köňlümiň soltany, Yşkymyň şasy! Hany seniň “Söýýän” diýen sözleriň?.. Gapyňyzd toý tutylýar, dilberim! Hany yşgyň wepasy hem messebi? Kesekiň bagtynyň üstünde şeýdip, Mydam toý-toýlaýar dünýäň mesleri!

Köneler, 1merdan tarapyndan 11 years ago

1merdan

11 years ago

Tylla gupbaň-başyňdaky şa jygaň!
Ýüzde desmal-bagrym üzre pajygam,
Seni haýsy pelek urdy, dilberim,
Meni haýsy pelek urdy dilberim,
Bilebilmedim!...

...Başyňdaky kürte-daşdan kapasa,
Başyňdaky kürte maňa kependir!
Indi bu jahanyň bary hem ýogy,
Saňa-da des-deňdir!
Maňa des- deňdir!

Başyňda gök kürte,
Gyzyl ot kürte,
Indi bu dünýäde bagtym ýok örte,
Gök kürtäň içinde ýanyp barýansyň,
Gök kürtäň içinde täleýe gargap,
Gök kürtäň içinde äleme gargap
Hünübirýansyň!

Bir gujak ter çemen-dähedem dessem,
Bir gujak ser çemen-dähedem dessem,
Şagalaň hem şowhun,
Şadyýan sesler,
Indi bu jahanyň bary hem ýogy
Saňada des-deň!
Maňa-da des-deň

“Gelin gelýär” diýip gygyrýar millet
“Ýarym gitdi” diýip bagyrýar kalbym
Gelnaljy maşynlar düýt-de düýt,
Kyýamatyň zogyn çalýar Ysrapyl!
Gyz gidip barýar!
Gyz gidip barýar!
Jahanyň şalygyn özünde jemläp,
Jahanyň şatlygyn özünde jemläp,
Jahanyň bagtyny özünde jemläp,
äkidip barýar!

Şol gün şeýdip aýrylyşdy ýolumyz,
Senki toýa bardy,
Meniňki ýasa.
Maňa dünýäň şa gyzyny söýdürip,
Köýdürip,
Bagrymy gana öýdürip,
Seni rowa gördü kesekä ýada,
Meni bolsa örtendirdi perýada!

Bir gujak ter çemen-
Dähedem-dessem,
Bir gujak ser çemen-
Dähedem-dessem,
Şatlyk şowhun!
Çapak çalýar halaýyk!
...Meniň betbagtlygym, sen niçik eziz!

Meniň betbagtlygym, neneň owadan!
Meniň betbagtlygym-
Niçik ajaýyp!

maloyjan

11 years ago

soz yok gowy goshgy . Sagbol yetirenin uchin..

Shamahyly

11 years ago

Gowy goşgy! Sag bol paýlaşanyň ücin!