*** Birden oýanaýsañ eger gijäniñ bir ýarynda, Hem asmandan owadan Aý delmuryplar bakaýsa. Bir düşünip bolmajak duýgy dömse ganyñda Ýüregiñden ganly gözýaş gözleriñe akaýsa, Bilgin: seni ýatlaýaryn... Birden göçüp geläýse bagyñyza serçeler, Gurbagalar wak-waklap çalsa iñ şirin sazyn. Ýadyña düşse düýnler, şu günler hem erteler Eşitseñ ýaş kalbyñyñ iñ söýgüli owazyn, Bilgin: saña garaşýaryn... Birden ýadyña düşse iñ ýakymly pursatyñ, Gözleñ gülüñ ýapragna düşen çygda eglense Batly urýan ýüregñe darlyk etse gursagyñ Ýabyñyzdan akýan suw şaperdeden hiñlense, Bilgin: seni küýseýärin... Birden gara pikirler eýlese saña sütem Iñ bagtly jorañ gelip ykbalyndan nalasa, Bir çölde bir jerene çenelse goşa tüpeñ Şonda awçy mergeniñ rehmi gelip, aglasa, Bilgin: seni söýýärin...