Ermenistanyň täze Konstitusiýasynyň deslapky taslamasy geljek hepdede çap ediler diýip, Respublikanyň Premýer-ministri Nikol Paşinýan habar berdi. Bu barada «INTERFAX.RU» ýazýar. «Täze Konstitusiýanyň kabul edilmegi baradaky düzgün biziň maksatnamamyzda uly ähmiýete eýedir. Golaý döwürde biz ony durmuşa geçirmek tapgyryna girişeris. Geljek hepdede kesgitli ara alyp maslahatlaşmalaryň jemleri boýunça işlenip düzülen Konstitusiýanyň deslapky taslamasy çap ediler» diýip, Paşinýan penşenbe güni geçen Hökümet mejlisinde aýtdy. Paşinýan mejlisde eger halk sala salşykda täze Konstitusiýadan ýüz öwürse, iş başyndan gitjekdigini habar berdi diýip, TASS ýazýar. «Eger halk ondan ýüz dänderse, men işden giderin. Eger halk oňlasa, geljek saýlawlarda Hökümet başlyklygyna dalaş ederin» diýip, Respublikanyň Premýer-ministri nygtady.