Şu gün bellenilýän Bütindünýä çagalar güni mynasybetli Arkadag şäherinde giň gerimli baýramçylyk dabarasy guraldy. Bu möhüm jemgyýetçilik-medeni çäre ýaş nesliň hukuklaryny goramak, olaryň sagdyn ösüşini üpjün etmek we hemmetaraplaýyn goldaw bermek ugrunda ýurtda alnyp barylýan döwlet syýasatynyň nobatdaky beýanyna öwrüldi. Dabaraly çärä Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa, şeýle hem Türkmenistanda akkreditirlenen daşary ýurtlaryň diplomatik wekilhanalarynyň hem-de halkara guramalaryň ýolbaşçylary — ilçiler we wekiller gatnaşdylar. Arkadag şäherinde Bütindünýä çagalar güni mynasybetli dabara geçirildi Bu dabara Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň alyp barýan ynsanperwer işleriniň we ýurtda ösüp gelýän ýaş nesil baradaky aladanyň ileri tutulýan ugurlaryň biridigini ýene bir gezek tassyklady.