Şu gün Aşgabatda dekabr aýyna çenli dowam etjek Ýewropa medeniýetiniň günleri başlanýar. Size Ýewropa Bileleşiginiň Türkmenistandaky wekilhanasynyň sosial ulgamlarynda çap eden çäreleriň maksatnamasyny hödürleýäris: 19-njy noýabrda — sagat 15:00-da Simona De Rozanyň (Simona De Rosa) wokal boýunça ussatlyk sapagy geçiriler, Türkmenistanyň Döwlet filarmoniýasy. 20-nji noýabrda — sagat 19:00-da Simona De Rozanyň gatnaşmagynda jaz konserti, Magtymguly adyndaky milli sazly drama teatry. 4-nji dekabrda — sagat 19:00-da Mattias Kirşneretiň (Matthias Kirschneret) gatnaşmagynda fortepiano sazlarynyň konserti, Magtymguly adyndaky milli sazly drama teatry. 4-nji dekabrda — «Kiçijik şazada — 80 ýaşynda!» atly sergi geçiriler, ol Türkmenistandaky Fransuz institutynyň «Nadar» galereýasynda guralar. 6-njy dekabrda — sagat 13:00-dan 18:00-a çenli «Gyşky jadyly bazar» (Winter Magic Bazaar). «Aýlar» kafesi. Giriş tölegsiz. 12-nji dekabrda — Fransuz institutynyň Roždestwo ýarmarkasy. Mundan ozal, Ýewropa medeniýetiniň günleriniň çäklerinde 17–21-nji noýabr aralygynda Türkmenistanda Italýan aşhanasynyň hepdeliginiň geçiriljekdigi barada habar beripdik.

Täzelikler, Ata Watan tarapyndan 12 hours ago
Teswir ýazmak üçin Içeri gir→