Hytaýdan Russiýa 15 sany täze awtoulag alyp barýan iki sany awtoulag daşaýjy Gazagystanyň demirgazygyndaky Akmola oblastynyň uly gara ýolunda suwly ganawa agdy. Ejir çekenler ýok diýip, sebitiň polisiýa edarasyna salgylanýan «ria.ru» habar berdi. Habarda Hytaýyň Horgos diýen ýerinden Russiýa Federasiýasyna daşary ýurtly sürüjileriň dolandyrmagyndaky FAW kysymly iki sany ulag daşaýjynyň on bäş awtoulagy alyp barýarka sürçeklik sebäpli ýoldan çykandygy aýdylýar.