Häzir Türkmenistanyň ykdysady ösüşiň täze tapgyryna gadam basmagy milli manadyň ykdysadyýetdäki ornunyň has-da ýokarlanmagyny şertlendirýär diýlip, «Türkmenistan» gazetiniň şu günki sanynda çap edilen makalada bellenilýär. 2022-nji ýylyň 1-nji oktýabry ýagdaýyna görä, milli pul toplumy 60,3 milliard manat bolan bolsa, 2026-njy ýylyň 1-nji oktýabry ýagdaýyna görä, bu görkeziji 77,0 milliard manada ýetip, 2022-nji ýylyň 1-nji oktýabryna görä, 27,6 göterim ýokarlandy. Munuň özi ykdysadyýeti diwersifikasiýalaşdyrmak, senagat kärhanalaryny döretmek, hususy telekeçiligi ösdürmek, önümçilik kuwwatlyklaryny artdyrmak, bank ulgamynyň işjeňligini ýokarlandyrmak, sanly ykdysadyýete geçmek hem-de halkara ykdysady gatnaşyklaryň gerimini giňeltmek boýunça toplumlaýyn çäreleri amala aşyrmaga mümkinçilik berýär. Bu işleriň netijeliligi, ilkinji nobatda, maliýe we bank ulgamynyň işiniň durnuklylygy bilen baglydyr diýlip, makalada bellenilýär.