Kriştianu Ronaldu britan futboly hakyndaky öz serialyny döretmäge girişýändigini habar berdi. Futbolçy bu taslamada prodýuser hökmünde çykyş eder. Ol bu täzeligi sosial ulgamlardaky paýlaşmak arkaly mälim etdi. Onda Ronaldu režissýor Metýu Won, aktýor Demian Lýuis we Fransiýanyň milli ýygyndysynyň ozalky hüjümçisi Týerri Anri bilen bile düşen suratlaryny ýerleşdirdi. Serialda futbol agentiniň baş keşbini Demian Lýuis ýerine ýetirer. Taslamanyň önümçiligi bilen UR•Marv Studios studiýasy meşgullanýar. Kriştianu Ronaldu bu studiýa prodýuser Metýu Won bilen bilelikde ýolbaşçylyk edýär.