2025-nji ýyl üçin deklarasion tutumyň jemleri boýunça Tatarystanda 43 sany rubl milliarderi hasaba alyndy. Bu barada Federal salgyt gullugynyň sebit edarasynyň başlygy Marat Safiullin metbugat brifinginde habar berdi diýip, «Gazeta.ru» ýazýar. Safiulliniň sözlerine görä, Respublikanyň çakdanaşa baýlarynyň sany bir ýylda dört adam artypdyr. 2024-nji ýylyň jemleri boýunça olaryň sany 39-a deň ekeni. «Milliarderleriň sany ýyldan ýyla yzygiderli köpelýär. 2023-nji ýylda olar 23-di, millionerler bolsa has köp» diýip, Safiullin nygtady. Tatarystandaky milliarderleriň, esasan, telekeçilerdigi, guramalaryň ýolbaşçylarydygy, biriniň gymmatly kagyzlar bilen işleýän fiziki şahsdygy bellenýär. Ýolbaşçy milliarderleriň ählisiniň salgytlary kesgitlenen kanuny möhletde töleýändiklerini-de habar berdi.