talyplar.com

Maňa seniň gözleriňden gitme ýok.
Maňa seniň sözleriňden gitme ýok.
Düşün, bu dünýäde soňky güne çen
Seniň şatlyk hem gussaňa bagly men .

Seniň ýüpek gijeleriňden gitme ýok .
Seniň aýdyň gündizleňden gitme yok.

Bu garagol jahyllykdan giderin.
Ol hasaly gojalykdan giderin .
Çünki men olardan gitmän bilemok .
Emma seniň ykbalyňdan gitme ýok .

Men zemin .
Sen bolsa ullakan asman .
Saçyňy nur edip üstüme dökýäň .
Emma ,düşün ,läläm, şeýle gün dogar:
Saçlaryň gar bolup üstüme ýagar .
Şonda ak saçyňy sylyp ýüzüme
Gararyn belentden ýeriň ýüzüne .

Men bir gyzda gözleriňi görerin .
Men bir gyzda sözleriňi görerin .
Şapakda görerin-ýaňagyn alyn .
Gijede görerin –ýaňagyn halyn .
Synlap ýapraklaryň ýüzünde deriň ,
Onda seniň gözýaşyňy görerin .

Zemin aylanyp dur ,
Oňatlyk örän !
Hiç bir güýje oň ýoluny tutma ýok .
Dünýäň her gülünde men seni görän ,
Şonuň üçin bu dünýäden gitme ýok .

(Gurbannazar ezizow)